Plantun de Prouvènço

Pèr coumpara dos planto d'encò nostre

Serapias lingua & Malva nicaeensis

Serapias lingua

Orchidaceae

Nom en français : Sérapias à languette.

Descripcioun :
La lebourino-à-lengueto èi coumuno soulamen en Prouvènço séusouso ounte trachis en group. Es uno planto primo que fai de flour, un pau liuen lis uno dis autro, de coulour chanjadisso, en generau emé uno lengueto mai claro au mitan que sus li coustat (de cop que i'a jauno).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Serapias
Famiho : Orchidaceae

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Si
Autour basso e auto : Pancaro entresigna
Aparado : Vo
Remarco : Meno aparado

Liò : Terraire safrous - Prado
Estànci : Termoumediterran à Coulinen
Couroulougi : Pancaro entresigna
Ref. sc. : Serapias lingua L., 1753

Mauvo(-de-Niço)

Malva nicaeensis

Malvaceae

Nom en français : Mauve de Nice.

Descripcioun :
La mauvo-de-Niço trachis dins lis ermas, champ e proche dis oustau. Douno d'èr à la mauvo coumuno, pamens èi pu grando e se recounèis subretout i fueioun de soun "epicalice" (ço qu'èi dessubre li sepalo) que soun quàsi tant larg que long, e proun pelous sus li bord (fotò).

Usanço :
Avèn pas d'entresigne segur pèr aquesto planto, mai sèmblo bèn que tóuti li mauvo soun manjadisso. Se manjon li jóuini racino e fueio e peréu li fru que dounon d'èr à de froumage. Tout acò èi bon pèr ajuda à caga, à toussi. Soun peréu de bon remoulissènt.

Port : Grando erbo
Taio : 30 à 200 cm
Fueio : alterno
Tipe bioulougico : Teroufite
Cicle bioulougico :

Gènre : Malva
Famiho : Malvaceae

Coulour de la flour : Roso
Petalo : 5
Ø (o loungour) flour : 15 à 30 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Planto de coustiero
Mai à juliet

Liò : Ermas - Champ - Escoumbre e proche dis oustau
Estànci : Termoumediterran à Mesoumediterran
Couroulougi : Mediterrano-Atlantico
Ref. sc. : Malva nicaeensis All., 1785

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Serapias lingua & Malva nicaeensis

ges

Coumpara Lebourino(-à-lengueto) emé uno autro planto

Coumpara Mauvo(-de-Niço) emé uno autro planto